طبعا يا جماعه بالهنا والشفا الملوخية وفعلا الملوخية دى نفس يعنى منها تعرف انت ادبست ولا وقع واقف على رجلك ست البيت الشاطرة بتبان من الملوخية علشان كدة نصيحتى ليكوا فى فترة الخطوبة بدل ما تدخل على خطيبتك ببوكية ورد تتدخل بحزمة ملوخية اوكى ؟؟؟؟ ماينفعش ملوخية من غير مايكون جنبها بامية ده عيب اوووووى ومش من اخلاقنا هو ده الشئ لزوم الشئ فأنتى يا توتة تلبسى فستانك السوارية والميكب المظبط
وتروحى السوق تعملى شوبنج تروحى لاونكل بياع البامية وكأى ست بيت شاطرة تقوليلة بكام يا اونكل كيلو البمية ؟؟
مثلا قالك 5 جنية طبعا انتى تعملى فيها مدبرة وتقوليلة لاء 4 هيقولك 5 تقوليلة 4
وتفضلى على كدة ان شالله نص ساعه خدى وقتك خالص
فى الاخر لو قالك اوكى 4 تقوليلة لاءءءءءءءءءء كبرت فى دماغى اية رأيك بقى 5
ما هو مش هيمشى كلمتة عليناااااااااا بس عايزة احذرك من حاجة لو لقيتية كدة فى وسط الفصال عينية احمرت وبرقت ولسة بيرفع الكفة تقوليلة خلاص 6 لو عايز دة عمرك يا ماما ومش هتخسرى حياتك يعنى علشان جنية ,,,,,,,,,,,,,,اما انتى غريبة اووووووووى؟؟!! بلااااااااش بخل بقى
المهم بقى تروحى تشترى الطماطم تجيبى كيلو طماطم عيزاها حمرا اوى وجامدة شوية بلاش المستوية علشان ساعات بتبقى مدودة انا معاكى طبعا ان الدود مفيد وممكن كمان يبقى بروتين زيادة بس خلاص كفاية علينا بروتين اللحمة
وتروحى كدة شطورة البيت وتسلقى اللحمة بالطريقة اللى قالهالك الشيف بتاعنا
ما انا مش هحرق دمى فى عمايل الشوربة كمان
المهم تقمعى البمية الاول يعنى تقطعى راسها تشيلى رقبتها يعنى اخلصى بس بصورة فنية كدة
وبعدين تغسليها كوويس وبرضة تحطيها فى مصفة وتعصرى الطماطم فى الخلاط وتخرطى بصلاية انتى وزوقك وتقديرك لاهل بيتك ممكن تخرطى بصلتين
وتقشرى ثوم وتدقيه اوكى ؟؟ تمام
تيجى بقى عند البوتاجاز وتولعى فى نفسك ههههههههه ما انتى مش هتعيشى خدامة طول عمرك
غلبانة والله صعبتى عليا
تجيبى الحلة وتحطى البصلاية ومعلقتين سمنة واول ما تلاقى لونها كدة بقى اصفر تحطى التوم اللى انتى دقتية وبعدين تحطى البمية وتقلبيها شوية وتحطى بعد كدة عليها اللحمة ماتقوليليش فراخ دى تقرف أنفلوانزا الطيور بقالها كتير لكن انفلوانزا الخنازير لسة جديدة
وبعدين تحطى الطماطم المعصورة وملح وفلفل اسود مش كتير يعنى بس حسب انتوا بتحبوا اية وتسيبى الطماطم تتسبك يبقى كدة كلهم مع بعضهم فى الحلة علشان كدة قولتلك مش عايزة اللحمة مستوية اوى
لانها كدة هيطلع عنيها فى الحلة فهمتى ؟؟؟ ما هى دى جزئية زكاء برضة
وبعد كدة نحط الشوربة مش كتير طبق صغير كدة ونسيبهم كدة ع النار شوية وتخشى تلمى هدومك
وتقفلى على الاكل اوعى تنسى وتروحى عند والدك
بيت ابوكى اولى بيكى هو يعنى كان متجوزك خدامة ؟؟
موضوع: الشئ لزوم الشئ 
الأحد أغسطس 02, 2009 5:51 am
